BolgeXeber.Com » Dünya » 2 bomba partladı: 44 ölü

2 bomba partladı: 44 ölü

3-02-2012, 18:30
Oxunub: 4 277 Suriyada iki bomba hücumu nəticəsində 44 adam həlak olub, 150 insan yaralanıb.

Dövlət televiziyasının məlumatında hücumların iki maşına yerləşdirilmiş partlayıcı qurğularla həyata keçirildiyi bildirilib. SANA xəbər agentliyinin bildirdiyinə görə, paytaxtda həyata keçirilən hücumlar terror aksiyası kimi qiymətləndirilir.

Bir sıra şəhərlərdə hücumlara etiraz aksiyası təşkil edilib. Şahidlərin dediyinə görə, partlayışlardan sonra güclü atışma olub. Suriya rəsmiləri hücuma görə Əl-Qaidə yaraqlılarını günahlandırır. Hücum ABŞ tərəfindən də qınanılıb.

Bolgexeber.com "Amerikanın səsi"nə istinadən bildirir ki, bu arada Ərəb Liqasının nümayəndə heyəti müçahidəçi qrupunun Suriyaya göndərilməsi üçün o ölkəyə səfər edib. Suriya müxalifəti müşahidəçi missiyasını tənqid edərək, bunu hökumətin sanksiyalara mane olunması taktikası kimi qiymətləndirir.