Bizimlə əlaqə | Reklam
BolgeXeber.Com » Dünya » Avropada ölənlərin sayı 500-ü keçdi

Avropada ölənlərin sayı 500-ü keçdi

13-02-2012, 11:25
Oxunub: 8 174 Ötən gün Kosovanın Restelika kəndində qar uçqunu baş verib

Avropada soyuq hava şəraiti davam edir. Ötən gün Kosovanın Restelika kəndində qar uçqunu baş verib. Uçqun nəticəsində 7 evin dağıldığı və azı 9 nəfərin öldüyü bildirilir. Xilasedicilər valideynləri həlak olan 5 yaşlı qızı çöküntülərin altından sağ çıxara biliblər. Kosova Təhlükəsizlik Qüvvələrindən verilən məlumata görə, uçqun nəticəsində evlərin üzərində 10 metr qalınlığında qar qatı yaranıb.

İtaliyanın Apennin dağı ətrafında isə sosial həyatdan təcrid olunmuş bəzi kəndlərdə xilasetmə işləri aparılıb. Rəsmilər burada da qar uçqunu təhlükəsinin olduğunu bildiriblər. Ən çox qar isə Adriatik dənizi sahillərinə yağıb. Urbino şəhərində qarın hündürlüyü 2 metrə çatıb. İtaliya mediasından verilən verilən məlumata görə, son iki həftədə donvurma nəticəsində azı 40 nəfər ölüb.

Bosniyada da analoji vəziyyət hökm sürür. Artıq bir həftədir ki, ölkədə həyat iflic vəziyyətə düşüb. Temperaturun mənfi 22 dərəcəyə qədər düşdüyü bildirilir. Təhsil ocaqları və bəzi sosial dairələr hələ ki, öz fəaliyyətlərini bərpa edə bilməyiblər. Tibbi yardıma ehtiyac duyan əhali yolların buzlu olması səbəbi ilə xəstəxanalara gedə bilmir. Paytaxt Sarayevoda isə 1984-ci il Qış Olimpiya Oyunlarının keçirildiyi futbol meydanının tavanı qarın ağırlığına tab gətirməyərək çöküb. Xoşbəxtlikdən hadisə zamanı meydanda heç kim olmayıb.

Ümumiyyətlə isə, soyuq havalar nəticəsində 500-dən çox insanın öldüyü bildirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]