BolgeXeber.Com » Dünya » Donbasda atəşkəs haqqında razılıq əldə edilib

Donbasda atəşkəs haqqında razılıq əldə edilib

27-08-2015, 11:55
Oxunub: 680 Donbasda atəşkəs haqqında razılıq əldə edilibUkrayna üzrə üçtərəfli (Ukrayna-Rusiya-ATƏT) təmas qrupunun növbəti iclasında sentyabrın 1-dən Donbasda atəşkəs rejiminin elan edilməsi haqqında razılığa gəlinib

Bolgexeber.com-un BBC-yə istinadən verdiyi məlumata görə, bu barədə ATƏT-in xüsusi nümayəndəsi Martin Saydik bildirib.

Onun sözlərinə görə, iclasda tərəflər təmas xəttində yeni dərs ilinin ilk həftəsində davamlı atəşkəsin təmin edilməsi və cəbhə boyu yerləşən təhsil müəssisələrinə dair məlumat mübadiləsi aparmaq qərarına gəliblər.

“Bununla bağlı tərəflər müvafiq məlumatları ATƏT-ə verməlidirlər”, deyə M.Saydik bildirib.

ATƏT sentyabrın 1-dən etibarən əldə olunan razılaşmanın yerinə yetirilməsinə nəzarət edəcək.