BolgeXeber.Com » Dünya » Futbolda görünməmiş olay: - Prezident bezdiyi üçün oyunu yarımçıq saxladı

Futbolda görünməmiş olay: - Prezident bezdiyi üçün oyunu yarımçıq saxladı

1-12-2015, 19:31

Oxunub: 3 173

Mavritaniya Superkubokunun "Tevraq-Zeyna" və "Ksar" matçında dünyada görünməmiş hadisə baş verib

Qaynar.info xəbər verir ki, oyunu stadiondan izləyən Mavritaniya prezidenti Mohammed Uld Abdel-Aziz matça baxmaqdan bezdiyindən, qarşılaşma 63-cü dəqiqədə yarımçıq dayandırılıb. O bildirib ki, oyunda sürət çox aşağıdır, ona görə də matçı davam etdirməyin mənası yoxdur. Digər mənbə isə onu bildirir ki, ölkə başçısı Mavritaniyanın fransızlardan xilas olmasının 55 illiyini qeyd etməyə tələsirmiş.

Ona görə də 63-cü dəqiqədə yarımçıq dayandırılan matçda qalibi müəyyən etmək üçün penalti seriyasına müraciət olunub. Penaltilərdən isə "Tevraq-Zeyna" qalib ayrılıb.

Ancaq Mavritaniya Futbol Federasiyasının prezidenti Ahmed Uld Abderrahman bəyanat yaymaqla ölkə başçısının bu qeyri-adi istəyini gizlətməyə çalışıb: "Mən respublika prezidentinin oyuna müdaxiləsini inkar edirəm. Bu qərar hər 2 komandanın prezidentləri və məşqçiləri ilə razılığa əsasən verilib".

Qeyd edək ki, Mohammed Uld Abdel-Aziz 2009-cu ildən Afrikanın qərbində yerləşən Mavritaniyanın prezidentidir.
Bolgexeber.com

Çox Oxunanlar