Bələdiyyə işçilərinə mini yubka qadağan edildi
18-03-2016, 18:26
Oxunub: 4 046
Qadınlara mini ətək geyinmək qadağan edildi. Söhbət Amsterdamdan gedirAmsterdam Bələdiyyəsinin "Nieuw-West" səmtindəki ofisində qadın işçilərə xəbərdarlıq edilib. Onlara dizdən yuxarı olan ətək və ya don geyinmək yasaqlanıb. Onlardan dizdən yuxarı qalxan uzunboğaz çəkmə də geyinməmək tələb edilib.
Bələdiyyənin işçiləri isə bu qərara sərt reaksiya veriblər. Əvvəlcə e-mail yolu ilə açıqlanan qərarın bir zarafat olduğunu düşünən qadınlar daha sonra özünəməxsus etiraza əl atıblar. Belə ki, çərşənbə axşamı bütün qadınlar işə mini ətək və uzunboğaz ayaqqabı ilə gəlməyə qərar veriblər.
Ofisin məsul şəxsləri qadağaya uymayan qadınların evlərinə geri göndəriləcəyini deyiblər. Amsterdam bələdiyyəsinin əməkdaşları qərarın bir nəfərin şəxsi istəyi olduğunu düşünürlər. Onlar 2016-cı ildə Amsterdam kimi şəhərdə mini geyimin qadağan edilməsinin qəribə olduğunu da deyiblər.
Bələdiyyə məclisində çoxluğa sahib olan Demokratlar 66 (D66) partiyası da qərarı "axmaq" adlandırıb. Partiya üzvləri "1950-ci ilə geri dönürük?" deyə etirazını dilə gətiriblər.
Amsterdam Bələdiyyəsinin sözçüsü isə daha öncə nümayəndəliklərindən birində yaşanan problemlə bağlı olaraq geyimlə bağlı qərar verildiyini deyib. "Bütün insanlar istədiyini geyinə bilər. Ancaq bu geyimlər iş şəraitinə uyğun olmalıdır".
Bu qərardan sonra Hollandiyada "Twitter"in ən önəmli mövzusu ətək olub. Bütün qadınlar gələn həftə mini ətək və uzun çəkmə ilə küçəyə çıxmağa çağırılıb.
Hollandiyada qışdan sonra yaşanan ilin ilk isti gününə "ətək günü" adı verilir. Baharın müjdəçisi hesab etdikləri həmin günü qadınlar adətən mini ətək geyərək şəhər küçələrinə çıxırlar.
nspress
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 2-06-2025, 09:58 : Prezident İlham Əliyevin 28 May 2025-ci il tarixində Laçın şəhərinə səfəri – Müstəqilliyin və Qələbənin rəmzi
Analitika / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
