BolgeXeber.Com » Dünya » Ukraynalı pilot Savçenko rusiyalı jurnalistlərin ölümündə günahkar bilindi

Ukraynalı pilot Savçenko rusiyalı jurnalistlərin ölümündə günahkar bilindi

21-03-2016, 17:56
Oxunub: 1 413 Ukraynalı pilot Savçenko rusiyalı jurnalistlərin ölümündə günahkar bilindi Rusiyanın Rostov vilayətindəki Donetsk Şəhər Məhkəməsi ukraynalı pilot Nadya Savçenkonu rus jurnalistlərin ölümündə günahkar bilib

Musavat.com xəbər verir ki, məhkəmənin qərar mətnində yazılıb: “Savçenko bir qrup insanla əldə etdiyi razılığa əsasən, rusca danışan şəxslərə nifrət və düşmənlik motivləri ilə cinayət işləyib”.

Xəbər verilir ki, məhkəmə rusiyalı jurnalistlərin ölümünü təşkil edən şəxsin Aydar batalyon komandiri Serqey Melniçuk olduğuna qərar verib.

Cəzanın iki gün ərzində açıqlanacağı gözlənilir.

33 yaşlı ukraynalı pilot Savçenko Luqanskda iki rus jurnalistin hava hücumunda ölməsinə səbəb olmaqda günahlandırılırdı.

2014-cü ilin aprel ayından həbsdə olan Savçenko ona qarşı yönəldilən iddiaları qəbul etmirdi.

Qeyd edək ki, Savçenko həbsdəykən Ukraynanın deputatı seçilib.
Bolgexeber.com