BolgeXeber.Com » Dünya » Braziliya prezidenti vəzifədən uzaqlaşdırıldı

Braziliya prezidenti vəzifədən uzaqlaşdırıldı

12-05-2016, 15:56

Oxunub: 4 022

Senatorlar onun getməsinə səs veriblər

Braziliyanın senatorları cümə axşamı keçirilən iclasda 20 saatlıq müzakirədən sonra ölkə prezidenti Dilma Russeffi müvəqqəti vəzifədən kənarlaşdırıblar.

Bolgexeber.com RİA Novosti-yə istinadən xəbər verir ki, 55 senator impiçmentin lehinə, 22-si isə əleyhinə səs verib.

Qanuna əsasən, impiçment parlamentin yuxarı palatasında əyləşən 81 senatordan əksəriyyəti lehinə səs verdikdə qüvvəyə minir.

İndi Russeff cümə axşamından başlayaraq, 180 gün müddətinə vəzifədən uzaqlaşdırılacaq, onun səlahiyyətlərinin müvəqqəti icrası ilə ölkənin vitse-prezidenti Mişel Temer məşğul olacaq.

Daha sonra Senat məsələni Ali məhkəmə sədrinin iştirakı ilə xüsusi iclasda nəzərdən keçirəcək. O zaman Russeffin taleyi birdəfəlik həll olunacaq – parlamentarilərin üçdən ikisi (54 nəfər) impiçmentin lehinə səs versələr, o zaman dövlət başçısı vəzifədən gedəcək.

Qeyd edək ki, Braziliya müxalifəti prezidenti vergi pozuntuları və dövlət vəsaitlərindən təkrar seçilmək üçün istifadədə ittiham edir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]