BolgeXeber.Com » Dünya » Zimbabvenin olimpiya millisi həbs edildi-Prezidentən şok açıqlama

Zimbabvenin olimpiya millisi həbs edildi-Prezidentən şok açıqlama

29-08-2016, 10:08

Oxunub: 4 186

Zimbabvenin “Rio-2016”dakı olimpiya yığmasının bütün üzvləri həbs edilib

Bolgexeber.com Qafqazinfo-ya istinadən xəbər verir ki, məlumatı “News of Africa” yayıb.

Verilən məlumata görə, bu barədə ölkə prezidenti Robert Muqabe əmr verib. O, Zimbabvenin polis generalı Avqustin Çiçuriyə avqustun 23-də, yığma beynəlxalq Xarare aeroportuna enən kimi onları həbs etməyi tapşırıb.

Buna səbəb isə yığmanın ölkə adına heç bir medal qazana bilməməsidir.

Rioda 31 idmançı ilə təmsil olunan Zimbabve millisinin tutduğu ən yüksək yer 7-ci olub.

Muqabe komandanın bu çıxışından qəzəblənib və onlara həbs cəzası ilə dərs vermək niyyətindədir.

“Biz özlərini idmançı adlandıran bu siçovullara dövlət pulları xərcləmişdik. Əgər siz bizim Botsvandan olan qonşularımız kimi özünüzü qurban verib heç olmasa 4 və ya 5-ci yeri tuta bilməyəcəkdinizsə, onda niyə dövlətin pullarını xərcləyə getdiz?!”, -deyə prezident hamını təəccübləndirən çıxış edib.

Prezident qeyd edib ki, əgər dövlət Rioda sadəcə ölkənin bayrağını qaldıran və himn oxuyan birinə ehtiyac duysaydı, Braziliyaya Zimbabve Universitetindən olan gözəl qızlar və oğlanlar göndərərdi.

Muqabe bildirib ki, idmançılara sərf edilən pula məktəb tikmək və ya əhalinin sosial vəziyyətini yaxşılaşdırmaq mümkün idi:

“Bu hadisə 5 qadınla evli olan 1 impotenti xatırladır. İdmançılar arasında gediş-gəlişin bütün xərcinin bərabər şəkildə bölünməsi üçün əlimdən gələni edəcəyəm. Bu məsələ hətta 10 il vaxt aparsa da, onlar bu pulu geri qaytaracaqlar. Belə hesab edək ki, hökumət onlara Braziliyanı 1 turist kimi gəzmək üçün kredit ayırdı. Hər halda, o idmançılar bundan başqa heç nəyə yaramadılar”.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]