Bizimlə əlaqə | Reklam
BolgeXeber.Com » Dünya » Ayın fatehi öldü

Ayın fatehi öldü

26-08-2012, 23:35
Oxunub: 5 826 Ayın səthinə ilk ayaq basan insan – amerikalı astronavt Nil Armstronq avqustun 25-də 82 yaşında vəfat edib.

Bolgexeber.com-un Reuters-ə istinadən məlumatına görə, astronavtın ölümünün səbəbi bu ayın əvvəlində koronar artiyalarda aparılmış cərrahiyyə əməliyyatından sonrakı ağırlaşma olub.

1969-cu ilin iyulunda Armstronq, Ayın səthinə enmək tapşırığı almış “Apollon-11” kosmik gəmisinin ekipajına rəhbərlik edirdi. 1969-cu il iyulun 20-də Nil Armstronq tarixdə Ayın səthinə ilk ayaq basmış insan oldu. Tərəfdaşı Edvin Oldrinlə bərabər o, Yerin təbii peykində 2 saat yarıma qədər vaxt keçirdi.

Nil Olden Armstronq 1930-cu il avqustun 5-də Ohayo ştatının Vapakoneta şəhərində anadan olub. Hərbi xidməti ABŞ hərbi dəniz qüvvələrinin tərkibində keçib. Xidmət zamanı 1951-1952-ci illərdə Koreya müharibəsində iştirak edib və 78 döyüş uçuşu keçirib.


Hərbi xidmətdən sonra o, sınaqçı-pilot kimi fəaliyyət göstərib. 1962-ci ildə NASA-nın astronavtlar qrupuna daxil edilib. 1966-cı ildə “Cemini-8” missiyasının tərkibində kosmosa ilk uçuşunu edib.

1971-ci ildə Armstronq NASA-dan ayrılıb, müəllimlik və biznes fəaliyyətilə məşğul olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]