BolgeXeber.Com » Dünya » Meksika Senatı marixuananı qanuniləşdirdi

Meksika Senatı marixuananı qanuniləşdirdi

14-12-2016, 13:33

Oxunub: 3 767

Meksika Senatı dünən keçirilən səsvermədə səs çoxluğu ilə marixuananın tibbi məqsədlərlə istifadəsini qanuniləşdirdi

Oxu.Az bu barədə RİA Novosti-yə istinadən xəbər verir. “Marixuananın tənzimlənməsi və istifadəsinə 81 nəfər lehinə və iki nəfər əleyhinə səs verib”, - parlamentin ali palatasının “Twitter” mikrobloqunda yazılıb.

İndi bu məsələ deputatlar palatası tərəfindən nəzərdən keçirilməlidir.

Senat tərəfindən qəbul edilmiş təşəbbüs ölkənin səhiyyə haqqında qanununa və cinayət-prossesual məcəlləsinə dəyişiklikləri nəzərdə tutur. Bu mövzu üzrə müzakirələr Ali məhkəmənin dörd nəfərə marixuananın rekreasion məqsədlə istifadəyə icazə verdiyi andan etibarən bir ildən artıqdır ki davam edir. Bir müddət sonra Meksika hakimiyyətinin rəsmi nümayəndəsi Eduardo Sançes bu qərarın məhz həmin dörd nəfərə aid olduğunu və heç bir şəkildə marixuanın qanuniləşdirildiyini əks etdirmədiyini bildirmişdi.

Prezident Enrike Penya Nyeto əvvəlcə marixuananın qanuniləşdirilməsinə mənfi münasibətini bildirmişdi, amma daha sonra marixuananın tibbi məqsədlərlə istifadəsinin qanuniləşdirilməsinin mümkünlüyündən danışmışdı. O, DİN-ə insan haqlarının mübarizəsi ilə məşğul olan bölmələrinə narkotikanın qanuniləşdirilməsi üzrə geniş ixtisaslaşdırılmış müzakirənin aparılmasını tapşırmışdı. Dialoqa sosioloqlar, həkimlər, akademiklər, eləcə də marixuna mövzusu üzrə mütəxəssislər cəlb edilmişdi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]