Bizimlə əlaqə | Reklam
BolgeXeber.Com » Dünya » London aeroportunda terror aktı törətməkdə şübhəli bilinən şəxs saxlanılıb

London aeroportunda terror aktı törətməkdə şübhəli bilinən şəxs saxlanılıb

24-05-2017, 10:57
Oxunub: 3 932 London aeroportunda terror aktı törətməkdə şübhəli bilinən şəxs saxlanılıbLondonun “Stansted” aeroportunda terror aktı törətməkdə şübhəli bilinən 37 yaşlı kişi saxlanılıb

Bolgexeber.com APA-ya istinadən verdiyi xəbərə görə, bu barədə “Skotland Yard”ın bəyanatında bildirilir.

Məlumata görə, saxlanılma Mançesterdə törədilən terror aktı ilə əlaqəli deyil.

Şübhəli şəxs mayın 23-nə keçən gecə Türkiyəyə uçan təyyarəyə minərkən saxlanılıb. Saxlanılma onun bir müddət əvvəl Suriyaya etdiyi səfərlə bağlıdır.

Polis əməkdaşlarının hazırda Londonun şimalındakı iki ünvanda axtarış keçirdiyi bildirilir.

Qeyd edək ki, Böyük Britaniyada bundan əvvəl terror təhlükəsinin səviyyəsi “ciddi”dən “kritik”ə yüksəldilib. Bu o deməkdir ki, Əhalinin sıx toplaşdığı yerlərdə təhlükəsizliyin təmin edilməsinə hərbçilər cəlb olunacaq.

Xatırladaq ki, Mançesterdə konsert zamanı kamikadze-terrorçunun törətdiyi partlayış nəticəsində 22 nəfər ölüb, 120 nəfər yaralanıb. İŞİD partlayışa görə məsuliyyəti öz üzərinə götürüb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]