Bizimlə əlaqə | Reklam
BolgeXeber.Com » Dünya » Hökumətdə kütləvi “təmizləmə”

Hökumətdə kütləvi “təmizləmə”

21-11-2012, 12:15
Oxunub: 4 818 Məmurlar bütün işləri barədə bəyannamə verməli olacaqlar

Rusiyalı dövlət məmurlarını sürpriz gözləyir. Bolgexeber.com-un Rusiya mətbuatına istinadən verdiyi xəbərə görə, antikorrupsiya paketinə edilən dəyişikliklərə görə, məmurlar 2012-ci ildə apardıqları bütün əməliyyatlar barədə bəyannamə verməli olacaqlar.

Bu barədə məlumatı qanun layihəsinin müəlliflərindən biri “Vahid Rusiya” partiyasının üzvü İrina Yarova və müstəqil deputat Leonid Levin də təsdiqləyib. Onların sözlərinə görə, əlavə və dəyişikliklər edilmiş qanun layihəsi 3-cü oxunuşda qəbul edilməlidir.

Qeyd edək ki, əlavələr edilmiş qanun layihəsi bütün dövlət qulluqçularının üzərinə gəlirləri, aldıqları daşınmaz əmlak və digər mülklər barədə bəyannamə vermə öhdəliyi qoyur. Bununla belə, parlamentarilər arasında qanunun nə vaxt qüvvəyə minməsi ilə bağlı mübahisələr gedir. Bəziləri 1 il amnistiya olmasını təklif etsələr də, əksəriyyət yeni ildən qanunun qüvvəyə minməsini istəyirlər.

Qeyd edək ki, Rusiya Ümumdünya Ticarət Təşkilatına üzv olduqdan sonra rüşvətxor məmurlara qarşı “təmizləmə” əməliyyatı aparır. Hesab edilir ki, bu? şəffaf idarəetmə təşkilata üzvlüyün əsas şərtlərindən biridir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]