BolgeXeber.Com » Dünya » Dünyanın ən məhsuldar smartfonu hansıdır?

Dünyanın ən məhsuldar smartfonu hansıdır?

31-07-2017, 15:21

Oxunub: 3 599

Son illər Çin və Cənubi Koreyanın texnologiya şirkətləri yüksək məhsuldarlığa malik məhsulun buraxılışında “Apple” şirkətinə çatmaq və onu geridə qoymağa çalışırlar

Bolgexeber.com ICTnews-a istinadən xəbər verir ki, əldə olunan məlumatlar “Apple” şirkətinin yeni “iPhone 8” smartfon modelinin yaxın gələcəkdə ən güclü smartfon adını özündə saxlayacağından xəbər verir.

Belə ki, yeni “Apple” qurğusunun ən müasir “Apple A11” prosessoru ilə təchiz ediləcəyi bildirilir. Çip ilk dəfə yeni “iPod Pro” planşetində quraşdırılan altınüvəli “Apple A10X Fusion” prosessorundan daha məhsuldar olacaq.

Xatırladaq ki, “Geekbench” servisində keçirilən testlərin nəticələrinə görə, planşet birnüvəli rejimdə 3850, çoxnüvəlidə 9150 bal toplayıb. Bu, “Android” əməliyyat sisteminin idarəetməsi ilə işləyən qabaqcıl smartfon modellərindən 30 faiz çoxdur.

Ekspertlərin fikrincə, daha güclü olacaq “Apple A11” “Geekbench” servisində 4500/9000 bal səviyyəsində nəticələr nümayiş etdirə biləcək. Bunun belə olacağı təqdirdə yeni “iPhone” dünyanın ən məhsuldar smartfonu adına layiq görüləcək.

Qeyd etmək lazımdır ki, Çinin “Huawei” şirkəti “Apple” qurğusunun lider olacağı fikri ilə qəti razılaşmır. Şirkət nümayəndələrinin sözlərinə görə, yeni qabaqcıl “Huawei Mate 10” rəqibinin nəticələrini geridə qoyacaq.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]