BolgeXeber.Com » Dünya » İnsansız gəmilər səfərə hazırlaşır

İnsansız gəmilər səfərə hazırlaşır

26-08-2017, 16:16

Oxunub: 3 613

Dünyanın aparıcı gəmiçilik şirkətləri uzaqdan idarə olunan pilotsuz gəmilərin fəaliyyət göstərməsi üçün səylərini artırırlar

Sonuncu belə bir addımı Yapon nəhəngi “Nippon Yusen” atıb.Şirkət 2019-cu ildə Sakit Okenda ilk pilotsuz gəmini sınaqdan keçirəcəyi barədə açıqlama yayıb.
Gəminin test işləri Yaponiya-Şimali Amerika xətti arasında aparılacaq. Sınaq səfərində bir neçə nəfərin iştirakı planlaşdırılır. Ancaq onlar heç bir iş görməyəcəklər, gəmi uzaqdan idarə olunacaq.
Mütəxəssislər bildirirlər ki, heyətsiz gəmilər insan itkilərinin qarşısını alacaq. Üstəlik daşıma xərcləri xeyli aşağı düşəcək. Dəniz quldurlarının hücumu azalacaq.
Xatırladaq ki, bundan öncə “Yara” və “Kongsberg” şirkətləri də birgə avtonom gəmi istehsal edəcəklərini bildirmişdilər.
Yaponiyanın “Misui OSK Lines” və “Kavasaki Kisen Kaisha” şirkətləri isə hazırda uzaqdan idarə olunan gəmi üzərində çalışırlar.
Bununla yanaşı, “British Lloyds Register” də 2019-cu ildə Atlantik okeanında günəş enerjisi ilə işləyən insansız tədqiqat gəmisini istifadəyə verməyi planlaşdırır.
ABŞ-da isə artıq belə bir gəmi istismardadır. Söhbət “Sea Hunter” adlı döyüş gəmisindən gedir. Gəmi düşmən sualtı qayıqlarını aşkar etmək üçün nəzərdə tutulub. (seanews.az)

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]