Bizimlə əlaqə | Reklam
BolgeXeber.Com » Dünya » “6 Qremmi mükafatının sahibi Toni Brekstonun Bakıdakı konserti təxirə salındı”

“6 Qremmi mükafatının sahibi Toni Brekstonun Bakıdakı konserti təxirə salındı”

6-12-2012, 18:25
Oxunub: 5 005 Dünya ulduzu Toni Brekstonun səhhətində problemlər yaranıb. Trend-in məlumatına görə, bu barədə müğənninin menecerləri məlumat yayıblar.
Brekstonun həkimləri onun dekabr ayına nəzərdə tutulan konsert və şou proqramlarının təxirə salınmasında israr ediblər.
Qeyd edək ki, dünya estradasının ulduzu, 6 Qremmi mükafatının sahibi Toni Brekstonun dekabr ayında Bakıda da konserti nəzərdə tutulurdu. Müğənni dekabrın 17-18-də Heydər Əliyev Sarayında ikigünlük solo konsertlə çıxış etməli idi. Müğənninin menecerlərinin sözlərinə görə, Toni Brekston səhhətindəki problemlər aradan qalxdıqdan sonra yenidən şou proqramlarının həyata keçirilməsini və pərəstişkarları qarşısında çıxış etməyi planlaşdırır.
Toni Brekstonun yaxın müddətdə konsert turlarının təxirə salınması ilə əlaqədar dekabrın 17-18-də Heydər Əliyev Sarayında keçirilməsi nəzərdə tutulan konsertin biletlərinin kassaya qaytarılmasına başlanılıb.
Konsertin biletinin satışı ilə məşğul olan Ur Style şirkətindən verilən məlumata görə, alınan biletləri dekabrın 7-dan etibarən hər gün saat 19:00-dək Bülbül prospekti ilə Lev Tolstoy küçəsinin kəsişməsində (Mango mağazasının yanında) yerləşən kassada qaytarmaq mümkündür.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]