Bizimlə əlaqə | Reklam
BolgeXeber.Com » Dünya » Qrenlandiya Danimarkadan ayrılır

Qrenlandiya Danimarkadan ayrılır

25-04-2018, 12:32
Oxunub: 3 674 Qrenlandiya Danimarkadan ayrılırAprelin 24-də Qrenlandiyada yerli parlamentə seçkilər keçirilir.

Axar.az xəbər verir ki, seçkilər çərçivəsində seçicilər Qrenlandiyanın Danimarkadan ayrılmasına da münasibət bildirəcəklər.
Dünyanın bu ən böyük adasının ərazisi əsasən buzla örtülüdür. Adada əhalinin sayı 55 min nəfərdir. Qrenlandiyanın yerli hökuməti hər il Danimarkadan təqribən 3,6 milyard Danimarka kronu (483 milyon avro) subsidiya alır. Danimarka Konstitusiyası ada sakinlərinin öz müqəddəratını təyinetmə hüququnu tanısa da, Qrenlandiyanın müstəqil dövlət olması illik büdcəsinin 60 faizini təşkil edən subsidiyaların kəsilməsi ilə nəticələnəcək. Bu səbəbdən Qrenlandiyanın müstəqilliyinin tərəfdarı olan və seçkilərdə iştirak edən siyasi partiyalar üçün başlıca məsələ ayrılma prosesinin adanın yoxsullaşması baş vermədən həyata keçirilməsidir. Yerli KİV-lər qeyd edirlər ki, Qrenlandiyada ÜDM-in 2,2 milyarddan bir qədər çox olması nəzərə alınarsa, müstəqillik və bunun ardınca büdcənin azalması adanı Avropanın ən yoxsul ölkələrindən birinə çevirə bilər.

Seçkilərdə iştirak edən yeddi siyasi partiyadan altısı müstəqilliyin tərəfdarı kimi çıxış edir.

Qeyd edək ki, Qrenlandiya Danimarkanın tərkibində olduğu vaxt – 1979-cu ildə muxtariyyət əldə edib. 2009-cu ildə isə ada özünüidarə hüququ alıb. Kopenhagen yalnız Qrenlandiyanın xarici siyasəti və müdafiə məsələləri üzərində nəzarəti əlində saxlayır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]