BolgeXeber.Com » Dünya » Bişkek meri: “Köhnə paltar geyib, saqqal taxıb şəhərdə gəzirəm”

Bişkek meri: “Köhnə paltar geyib, saqqal taxıb şəhərdə gəzirəm”

22-05-2018, 12:07

Oxunub: 5 150

Qırğızıstanın paytaxtı Bişekekin meri deyib ki, insanların problemlərini yaxından görmək üçün hərdən görkəmini dəyişərək şəhəri gəzir

Albek Ibraimov yerli mediaya danışıb ki, insanların onu tanımaması üçün köhnə paltarlar geyinir və saxta saqqal taxır, Fergana xəbər agentliyi yazır. “Köhnə paltar geyinirəm ki, heç kim bilməsin. Saqqal taxıram, qalustukumu çıxarıram və gedib baxıram ki, hər şey əslində necədir”, o deyir.

İbraimov bu açıqlamanı şəhərdə ən böyük sayılan Oş Bazarının bir hissəsini məhv edən yanğını müzakirə edərkən verib. O, bu sözləri yanğından sonra problemlə üzləşən ticarətçilərin məsələsindən xəbərdar olduğunu göstərmək üçün deyib. “Fergana” xəbər agentliyi deyir ki, bu cari ildə genişlənən pərakəndə ticarət mərkəzində üçüncü yanğındır. Merin sözlərinə görə, rekonstruksiya prosesi çərçivəsində burada müşahidə kameraları və yanğınsöndürən su qurğuları yerləşdiriləcək.

İbraimov həm də öz ehtiyatlarını və gəlirlərini yanğında itirənlərə maddi yardım da təklif edib.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]