BolgeXeber.Com » Dünya » İtalyan şirkəti azərbaycanlı milyarderi məhkəməyə verdi - 5 milyonluq iddia
İtalyan şirkəti azərbaycanlı milyarderi məhkəməyə verdi - 5 milyonluq iddia
10-09-2018, 11:49
Oxunub: 3 182
Tanınmış italyan şirkəti azərbaycanlı milyarderi məhkəməyə verib.
Bolgexeber.com open.az-a istinadən xəbər verir ki, "Paghere Green Service Societa Agricola S.R.L” şirkəti azərbaycanlı milyarder Fərhad Əhmədov və onun şirkəti barəsində iddia qaldırıb. İddiada bildirilir ki, Fərhad Əhmədova məxsus "Baku Caspian Real Estates Limited” MMC – italyan şirkətinə ödənməli olan 3 milyon avronu ödəməyib. Qeyd olunur ki, xarici şirkət 2016-cı ildə Fərhad Əhmədova məxsus şirkətlə Bilgəh qəsəbəsində yerləşən 6 hektar ərazidə abadlaşdırma, yaşıllaşdırma işləri aparılması ilə bağlı kontrak imzalanıb. Müqaviləyə əsasən, italyan şirkətinə bu işlərin müqabilində ümumilikdə 12 milyon avro və əlavələr ödənilməliymiş. Lakin işlərin yekunlaşmasına çox az vaxt qalmış Fərhad Əhmədova məxsus şirkət 3 milyon avronu ödəməkdən boyun qaçırıb və italyanları hədə qorxu ilə ərazidən çıxardıb.
Bununla bağlı "Paghere Green Service Societa Agricola S.R.L” şirkəti London Məhkəməsinə müraciət edərək maddi və mənəvi zərərə görə 5 milyon avroluq iddia qaldırıb.
Şirkətin Azərbaycandakı hüquqi nümayəndəsi vəkil Kamandar Nəsibov Open.az-a bildirib ki, cinayət tərkibi ilə bağlı hüquq-mühafizə orqanlarına şikayət ediləcək.
Qeyd edək ki, milyarder Fərhad Əhmədov Rusiyada yaşayır. O, "Rusiyanın ən varlı 200 biznesmeni” siyahısında 67-ci yerdə qərarlaşıb. Milyarderin adı bir müddət əvvəl keçmiş arvadı ilə məhkəmə qalmaqalında keçib. Belə ki, milyarder Böyük Britaniya məhkəməsinin qərarına əsasən, keçmiş həyat yoldaşına 584 milyon dollar (453 milyon funt sterlinq) ödəməli olub. Bu, Britaniya tarixində boşanma prosesində ödənilmiş ən böyük məbləğdir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər