Bizimlə əlaqə | Reklam
BolgeXeber.Com » Dünya » Gürcüstan prezidenti ölkədə marixuananın istehsalına qarşı çıxıb

Gürcüstan prezidenti ölkədə marixuananın istehsalına qarşı çıxıb

16-10-2018, 15:24
Oxunub: 3 813 Gürcüstan prezidenti ölkədə marixuananın istehsalına qarşı çıxıbGürcüstan prezidenti Giorgi Marqvelaşvili ölkədə hər hansı bir narkotik vasitənin istehsalının əleyhinədir.

“Report”un Gürcüstan bürosu xəbər verir ki, o, bu gün keçirdiyi mətbuat konfransında bildirib ki, ölkəsinin narkotik istehsalçısına çevrilməsi onun beynəlxalq arenadakı imicinə xələl gətirəcək.

“Mənim üçün Gürcüstanda narkotik vasitələrin istehsalı tamamilə qəbuledilməzdir və bunun iki səbəbi var. Birinci səbəb odur ki, əgər biz narkotik istehsal edən ölkə olsaq, o zaman narkotiklərin yayılmasına nəzarət edə bilməyəcəyik və daha çox insan bu xəstəliyin qurbanına çeviləcək. İkinci səbəb isə ölkənin xarici siyasəti ilə bağlıdır. Gürcüstan marixuana və ya digər narkotik vasitə istehsal edən ölkəyə çevrilə bilməz. Vətənimizə belə bir etiket vurula bilməz”, - G.Marqvelaşvili deyib.

Qeyd edək ki, Gürcüstan parlamenti marixuananın ixrac məqsədilə yetişdirilməsini nəzərdə tutan qanun layihəsinin müzakirəsini iki ay müddətinə təxirə salıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]