BolgeXeber.Com » Dünya » Nyu-York sakini lotereyada 343 milyon dollar udub

Nyu-York sakini lotereyada 343 milyon dollar udub

15-11-2018, 11:40

Oxunub: 4 713

Nyu-York sakini 67 yaşlı Robert Beyli Amerikada “Powerball” lotereyasının qalibi olub

25 il ərzində “Powerball” biletləri alan R.Beyli bu müddətdə həmişə eyni rəqəmlərin kombinasiyasından istifadə edirmiş. Nəhayət, bu kombinasiya ona inanılmaz uğur gətirib. Budəfəki tirajın cek-potu 700 milyon dollara yaxın olub. Beyli bu məbləği Texasdan olan bir qadınla bölüşəcək.

AZƏRTAC “Powerball” lotereyasının təşkilatçılarına istinadla xəbər verir ki, Beyli lotereya biletini Harlemdəki mağazaların birində alıb. Uzun illər boyu lotereya oynayan Beyli indiyə qədər bir dəfə 30 min dollar udub.

Qalib oyunçunun sözlərinə görə, lotereyada istifadə etdiyi rəqəmlərin kombinasiyası heç də təsadüfi deyil. 25 il bundan əvvəl ona bu rəqəmləri yaxın qohumlarından biri verib. Beyli inanırdı ki, bu kombinasiya gec-tez ona uğur gətirəcək. Beləliklə, bütün zəruri tutulmalar ödənildikdən sonra ona 198 milyon dollar çatacaq.

Qeyd edək ki, “Powerball” lotereyasının uduş tirajları hər həftənin çərşənbə və şənbə günlərində keçirilir. Budəfəki uduş məbləği Nyu-York ştatının tarixində ən böyük məbləğdir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]