Prezident öldü

6-03-2013, 07:40

Oxunub: 4 568

Venesuela prezidentinin ödümünə ağciyər infeksiyası səbəb olub
Kubada xərçəng müalicəsindən sonra fevralın 16-da ölkəsinə qayıdan Venesuela prezidenti Uqo Çaves dünyasını dəyişib. Paytaxt Karakasdakı hospitalda kimya terapiyası ilə müalicə olunan Uqo Çavesin səhhəti ağciyər infeksiyası üzündən pisləşib.

Uqo Çavesin öldüyünü Venesuelanın vitse-prezidenti Nikolas Madurl televiziya ilə xalqa müraciətində təsdiqləyib. “Biz ən qorxunc və faciəli xəbəri aldıq. Prezident Uqo Çaves bu gün saat 16.25-də (Bakı vaxtı ilə 00.55-də) vəfat edib”, - Uqo Çavesin davamçısı sayılan Maduro deyib.

Uqo Çaves 2012-ci il dekabrın əvvəllərindən Kubada olub. Bu, 2011-ci ilin ortasından sonra Venesuela prezidenti üzərində aparılan sayca dördüncü onkoloji əməliyyat idi. Son cərrahi müdaxilə iltihaba səbəb oldu. Rəsmi məlumatlara görə, Uqo Çavesdə nəfəs çatışmazlığı ilə nəticələnən ağciyər infeksiyası aşkarlanıb.

Bu il fevralın ortalarında Uqo Çaves gözlənilmədən Havana klinikasından Karakasdakı hərbi hospitala aparıldı. Rəsmilər bəyan edirdilər ki, o, xəstəxana palatasından ölkəni idarə edir.

Uqo Çaves 1999-cu ilin fevralından hakimiyyətdə idi. O, üç dəfə dalbadal prezident seçkilərində qalib gəlib və sonuncu dəfə 2012-ci ilin oktyabrında ölkəyə 2019-cu ilədək rəhbərlik etmək hüququ qazanmışdı.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]