BolgeXeber.Com » Dünya » Ana doğma qızını 69 il sonra tapdı

Ana doğma qızını 69 il sonra tapdı

10-12-2018, 13:47

Oxunub: 4 140

Konni Maultrup (Connie Moultroup) 1949-cu ildə anadan olub və övladlığa götürülənə qədər uşaq evində böyüyüb

Beş yaşı olarkən ögey anası xərçəng xəstəliyindən dünyasını dəyişib. Ögey atasının yeni həyat yoldaşı isə Konni ilə pis davranırmış. Maultrup bütün həyatı boyu doğma valideynlərini tapmağı arzulayıb, lakin bunu edə bilməyib.

Oxu.Az-ın xəbərinə görə, bu barədə CNN məlumat yayıb.

Bir il əvvəl qızı ona Ancestry.com saytına abunəlik hədiyyə edib. Bu sayt DNT testi vasitəsilə qohumları tapmağa kömək edir. Bu xidmət vasitəsilə qadın uzaq qohumlarından birini taparaq onunla ünsiyyət qurub və anası haqda soruşub.

“Mən dedim ki, anamın adı Ceneviv Pyurinton idi (Genevieve Purinton)”, - deyə Maultrup bildirib. Qohumu isə ona: “Bu ki mənim xalamdır. Və o, hələ də yaşayır”, - cavabını verib.

88 yaşlı Ceneviv Pyurinton tək yaşayırmış. Məlum olub ki, Konninin doğulduğu İndiana xəstəxanasının əməkdaşları ona uşağın doğuş zamanı öldüyünü deyiblər.

“O, ailəli olmadığı üçün, ona mənim öldüyümü deyiblər. O yaşayırmış və mənim barəmdə heç xəbəri yox imiş”, - deyə Maultrup davam edib.

ABŞ-da 1973-cü ildə Ali Məhkəmə abortları qanuniləşdirənə qədər nikahsız doğulan uşaqların analarından zorla ayrılması geniş yayılmış praktika idi.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]