Bizimlə əlaqə | Reklam
BolgeXeber.Com » Dünya » Ərdoğan polietilen paketləri zənbillərlə əvəz etməyə çağırıb

Ərdoğan polietilen paketləri zənbillərlə əvəz etməyə çağırıb

10-01-2019, 09:55
Oxunub: 4 995 Ərdoğan polietilen paketləri zənbillərlə əvəz etməyə çağırıbTürkiyə prezidenti Rəcəb Tayyib Ərdoğan ölkədə plastik paketlərə qarşı "müharibə"nin başlandığını elan edib və ekoloji cəhətdən daha təmiz paketlərin və çətənə parçasından olan tor zənbillərin istehsalına çağırıb.

"Report" xəbər verir ki, bu barədə o, yerli özünüidarə problemləri üzrə simpoziumda bildirib.

"Plastik paketlər yerdə 500, 750 və 1000 il ərzində çürümək bilmir. Biz qətiyyətlə onlara qarşı müharibə elan edirik", - deyə Ərdoğan qeyd edib.

O, xatırladıb ki, bir zamanlar valideynləri tor zənbillərdən istifadə edirdilər. Alış-veriş etdikdən sonra həmin zənbilləri atmır, yuyur və yenidən istifadə edirdilər.

Qeyd edək ki, Türkiyə hökumətinin qərarı ilə bu il yanvarın 1-dən plastik paketlər ölkənin bütün ticarət köşklərində pullu olub. Ölkədə həmçinin Əminə xanım Ərdoğanın himayəsi altında "Sıfır tullantı" layihəsi həyata keçirilir.

Daha əvvəl Ekologiya və Təbii Sərvətlər Nazirliyinin (ETSN) Ekoloji marifləndirmə və ictimaiyyətlə əlaqələr şöbəsinin müdiri Umayra Tağıyeva da bildirib ki, Azərbaycanda birdəfəlik plastik torbaların istifadəsi qadağan olunacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]