Bizimlə əlaqə | Reklam
BolgeXeber.Com » Dünya » Fransada 15 qoyun məktəbə qəbul edilib

Fransada 15 qoyun məktəbə qəbul edilib

8-05-2019, 13:52
Oxunub: 6 149 Fransada 15 qoyun məktəbə qəbul edilibFransanın İzer Departamentindəki Krets-an-Belldon kommunasının ibtidai məktəbində şagirdlər siyahısına 15 qoyun da daxil edilib.

"Report" TASS-a istinadən xəbər verir ki, bu barədə "Le Parisien" yazıb.

Məlumata görə, 3,3 mindən çox əhalisi olan dağ kəndində yerləşən məktəb yeni tədris ilinin əvvəlindən şagirdlərin sayının 266-dan 261-dək azalması səbəbindən indiki kimi 11 yox, 10 siniflə tədrisə davam etməli olacağı barədə xəbərdarlıq alıb. Ancaq valideynlər belə addıma qarşı çıxaraq sinif sayının azalmasının onların hər birində şagird sayının artmasına, bunun da təhsilin keyfiyyətinin aşağı düşməsinə səbəb olacağını bildiriblər.

Etirazçılar tərəfində olan yerli çoban dünən məktəbə 65 qoyun gətirib. Onları girişdə məktəblilər və onların valideynləri üzərində "Biz qoyun deyilik", "Məktəbi idarə etmək sürünü idarə etmək deyil" yazılmış plakatlarla qarşılayıblar.

"Burada çətin vəziyyətdə olan uşaqlar var. Amma milli təhsil sistemini yerdəki arqumentlər yox, yalnız rəqəmlər narahat edir", - aksiyanın təşəbbüskarlarından olan və Ümumfransa Məktəblilərin Valideynləri təşkilatının iştirakçısı Qael Laval bildirib.

Şəhər meri Jan-Lui Mare etirazçıların tərəfini tutub və heyvanların məktəbli siyahısına daxil edilməsinə rəsmən şahidlik edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]