BMT-nin baş katibi: Ticarət müharibələrinin qalibi olmur
11-05-2019, 14:55
Oxunub: 4 548
Bu gün ticarət sahəsində ədalətli beynəlxalq əməkdaşlığın canlanmasına nail olmaq, qloballaşmanın mənfi təzahürlərini aradan qaldırmaq və qalibi olmayan ticarət müharibələrinin qarşısını almaq hər zaman olduğundan daha vacibdirBu sözləri Dünya Ticarət Təşkilatının tribunasından BMT-nin baş katibi Antonio Quterreş söyləyib.
A.Quterreş vurğulayıb ki, qloballaşma və texnoloji tərəqqi bəşəriyyətə böyük fayda gətirib, iqtisadiyyatın, ticarətin inkişafına, həyat şəraitinin yaxşılaşmasına və yoxsulluğun azaldılmasına kömək edib. O, əlavə edib: “Qloballaşma sayəsində ölkələr, biznes və insanlar daha çox qarşılıqlı asılı vəziyyətə düşüblər. Bir çox inkişaf etməkdə olan ölkələr dünya iqtisadiyyatına inteqrasiya ediblər. 1995—2017-ci illərdə onların dünya ticarətindəki payı 30 faizdən 45 faizə yüksəlib. Lakin bütün ölkələr bu şəraitdən faydalana, eyni zamanda, inkişaf etmiş ölkələr də 2020-ci ilədək dünya ticarətindəki payını ikiqat artırmaq hədəfinə nail ola bilməyiblər. Bir çox dövlətlərdə isə qeyri-bərabərliyin səviyyəsi yüksəlir. Hazırda 700 milyondan çox insan, yaxud dünya əhalisinin 10 faizi yoxsulluq həddindən də aşağı vəziyyətdə yaşayır. Bu göstərici qloballaşma prosesində kimin qazandığını və kimin itirdiyini açıq şəkildə sübut edir. Məhrumiyyətlərlə üzləşmiş insanlarda hakimiyyətlərə və siyasi strukturlara inam sarsılıb, eyni zamanda, bu prosesdə buraxılan səhvlər beynəlxalq ticarət əməkdaşlığında problemlərə səbəb olub”.
BMT baş katibinin sözlərinə görə, hazırda çoxtərəfli ticarət sisteminin təməlləri çökmək üzrədir. “Daha çox kiçik və az inkişaf etmiş dövlətlər üçün sərfəli olan çoxtərəfli sazişlərdən çəkilmə zərərli tendensiyadır və biz beynəlxalq əməkdaşlığın bərpası üzrə Dünya Ticarət Təşkilatını dəstəkləməliyik. Biz bu təşkilatın 2020-ci ildə balıq məhsullarına subsidiyaların ləğvi və patenti olmayan dərmanların əlçatan olması təşəbbüslərini dəstəkləyirik. Beynəlxalq ticarətin dayanıqlı inkişafa verdiyi töhfə danılmazdır. Lakin bütün üstünlüklərinə baxmayaraq, qloballaşma cəmiyyətdə qorxu yaradıb və çoxtərəfli ticarəti təhlükə altına qoyub”, -deyə A.Quterreş vurğulayıb.(AzərTAc)
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 3-06-2025, 11:27 : Bakı Enerji Həftəsi
Analitika / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
