BolgeXeber.Com » Dünya » Bakı-Moskva təyyarəsi Volqoqradda təcili eniş etdi

Bakı-Moskva təyyarəsi Volqoqradda təcili eniş etdi

31-08-2019, 12:12

Oxunub: 5 479

Volqoqrad hava limanında 3 təyyarə təcili eniş edib. İki təyyarə sərnişinlərin özlərini pis etdikləri səbəbindən məcburən enib.

APA-nın Rusiya mətbuatına istinadən verdiyi məlumata görə, cümə günü Moskva vaxtı ilə saat 22:00-da Krasnoyarsk-Simferopol aviareysi üzrə uçan təyyarə sərnişinin özünü pis etdiyinə görə təcili eniş edib. Sərnişin regional xəstəxanaya yerləşdirilib.

Qroznıdan Moskvaya uçan ikinci təyyarə isə hidravlik mayenin düşməsi ilə əlaqədar Moskva vaxtı ilə 01:18-də Volqoqrad aeroportuna təcili eniş istəyib.

Volqoqradda təcili eniş edən digər təyyarə isə Bakı-Moskva reysi ilə hərəkət edirdi. Buna səbəb təyyarədə 60 yaşlı qadının özünü pis hiss etməsi olub. O, xəstəxanaya yerləşdirilib.

"Qroznı-Vnukovo və Bakı-Moskva reysləri üzrə uçan təyyarələr hələ də Volqoqraddadır, hazırda onların yola düşməsi gözlənilir. Krasnoyarsk-Simferopol marşrutu üzrə uçan təyyarə isə artıq təyinat yerinə göndərilib", - deyə Volqoqrad hava limanında bildirilib.

Heydər Əliyev Beynəlxalq Aeroportundan APA-ya verilən məlumata görə, sözügedən Bakı-Moskva aviareysi Rusiyanın "Aeroflot" aviaşirkətinə məxsusdur: "Təyyarənin Volqoqraddan Moskvaya nə vaxt uçacağı hələ məlum deyil".

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]