BolgeXeber.Com » Dünya » Süni qan yaradıldı: Hamıya köçürülə bilər

Süni qan yaradıldı: Hamıya köçürülə bilər

4-10-2019, 16:24

Oxunub: 6 057

Yapon alimləri qan qrupundan asılı olmayaraq, insanların həyatını xilas etməyə imkan verən yeni kəşf edib, süni qan yaradıblar

Bu barədə Yaponiyanın The Asahi Shimbun qəzeti məlumat açıqlayıb.
Məlum olduğu kimi, hazırda qan köçürüləcək pasiyentin qan qrupu, rezus faktoru təyin olunur. Qan qrupu-rezus faktoru uyğun olmayan qanın xəstəyə köçürülməsi həyati təhlükə yaradır. Elə buna görə də qan qrupu təyin olunmadan, xəstəxanadan kənarda, eləcə də təcili yardım maşınlarında qan köçürülməsi proseduru icra olunmur. Süni qan üçün isə bu amilin əhəmiyyəti yoxdur. Ona görə də xəstələrə xəstəxanaya gəlmədən də qan köçürülə bilər, bu isə daha çox insanın həyatını xilas edər.
Yaponiyadakı Milli Müdafiə Tibb Kollecinin mütəxəssisləri bu kəşfin effektivliyini yoxlamaq üçün dovşanlar üzərində təcrübələr keçiblər. Ağır qan itkisi olan 10 dovşana süni qan vurulub, dovşanlardan 6-sı sağ qalıb və sonradan onlarda hər hansı fəsad yaranmayıb.
Bundan sonra alimlər süni qanı insanlar üzərində sınaq keçiriləcək. Bildirilir ki, ən əhəmiyyətli amillərdən biri də, normal temperaturda saxlama şərtilə, süni qanın il ərzində öz keyfiyyətini saxlaya bilməsidir.
Qeyd edək ki, yaralar, travmalar zamanı ölümün əsas səbəblərindən biri qan itkisi, uyğun qan tapa bilməməkdir. Ona görə də belə bir kəşf çox əhəmiyyətli sayılır. Süni qan insanlar üzərində uğurla sınaqdan keçərsə, onun geniş istehsalı milyonlarla insanın həyatını xilas etməyə kömək edəcək.
İndiyə kimi süni qan yaradılması ilə bağlı bir çox tədqiqatlar aparılsa, sınaqlar həyata keçirilsə də, hələlik bu, tətbiq olunmayıb. (e-tibb.az)

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]