BolgeXeber.Com » Dünya » Məsud Özil 219 yoxsul uşağın əməliyyatını öz üzərinə götürdü

Məsud Özil 219 yoxsul uşağın əməliyyatını öz üzərinə götürdü

25-12-2019, 11:38
Məsud Özil 219 yoxsul uşağın əməliyyatını öz üzərinə götürdü"Arsenal"ın yarımmüdafiəçisi Məsud Özil özünün bütün dünyada ehtiyac içində olan uşaqların əməliyyat edilməsi üçün xeyriyyəçilik fondlarına ianələrindən danışıb.

"Report" xəbər verir ki, 31 yaşlı futbolçu bu barədə özünün "İnstagram"dakı səhifəsində bildirib.

"Artıq 219 əməliyyat edilib, amma irəlidə edilməli olan daha çox şey var! Mən arvadımla 2019-cu ilin iyununda, toyumuzdan əvvəl elan etdik ki, bütün dünyada əməliyyata ehtiyacı olan daha 1000 uşağın xərcələrini üzərimizə götürəcəyik.

Toyun bu layihəyə ianə ayıran hər bir qonağı, azarkeşi və fanatları, xüsusən layihədə iştirak edən beynəlxalq tibbi briqadaları sağ olsun.

Bu yalnız başlanğıcdır! Gəlin qarşıdakı 2020-ci ilə baxaq və ehtiyac içində olan yüzlərlə digər uşaqlara birlikdə kömək edək", - deyə Özil yazıb.


O, sosial şəbəkədə mövzu ilə bağlı fotosunu da paylaşıb.