BolgeXeber.Com » Dünya » Dünyada koronavirusa yoluxma üzrə rekord qeydə alınıb

Dünyada koronavirusa yoluxma üzrə rekord qeydə alınıb

25-07-2020, 10:25

Oxunub: 3 098

Dünyada koronavirusa yoluxma hallarının sayı son gün ərzində 284 mindən çox artıb.
“Report” RİA “Novosti” agentliyinə istinadən xəbər verir ki, bu barədə Ümumdünya Səhiyyə Təşkilatı (ÜST) bildirib.
Qeyd edilir ki, son 24 saatda dünyada koronavirusa rekord sayda - 284 196 yeni yoluxma qeydə alınıb. Bu, pandemiyanın başlanğıcından maksimal rəqəmdir.
Bununla da dünyada COVID-19-a yoluxma hallarının ümumi sayı 15 296 926-ya çatıb. Virusa yoluxma hallarının ən çox aşkar edilmiş sayı Şimali və Cənubi Amerikada qeydə alınıb - 8,1 milyon. Bununla yanaşı, Avropada da COVID-19-a xeyli sayda (3,1 milyon) yoluxma aşkarlanıb.
Məlumata görə, dünyada azı 628 903 pasiyent virusdan ölüb. Son sutkada daha 9 753 nəfər pandemiyanın qurbanı olub.

Çox Oxunanlar