Bizimlə əlaqə | Reklam
BolgeXeber.Com » Dünya » Azərbaycan prezidentinin Brüsselə səfəri zamanı Cənub qaz dəhlizinin həyata keçirilməsi müzakirə olunacaq

Azərbaycan prezidentinin Brüsselə səfəri zamanı Cənub qaz dəhlizinin həyata keçirilməsi müzakirə olunacaq

5-06-2013, 10:55
Oxunub: 5 262 Roland Kobia: “Transxəzər boru kəmərinin tikintisi üçün Azərbaycan və Türkmənistanla danışıqları davam etdirəcəyik”


“Hazırda Avropa neftə olan ehtiyacının 5%-ni Azərbaycanın hesabına təmin edir. Rusiya və Norveçdən sonra Azərbaycan və Qazaxıstan Avropa bazarlarını enerji ehtiyatları ilə təmin edən əsas təchizatçılardır Bu sözləri Xəzər neft-qaz konfransında çıxış edən Avropa Birliyinin Azərbaycan nümayəndəliyinin rəhbəri Roland Kobia deyib. O, əmin olduğunu bildirib ki, Azərbaycan gələcəkdə Avropaya qaz ixracatçısı kimi aparıcı mövqeyə malik olacaq.

Təbii qazın Avropa bazarlarına çıxarılacağı Cənub qaz dəhlizinin əhəmiyyətinə toxunan səfir xüsusi qeyd edib ki, bu, sadəcə layihə deyil, konkret imkandır. O, iyunun sonunda Azərbaycan prezidenti İlham Əliyevin Avropa Komissiyasının sədri Joze Manuel Barrozonun dəvəti ilə Brüsselə səfər edəcəyini söyləyib: “Hesab edirəm ki, bu görüş Cənub qaz dəhlizi məsələsində irəliləyişə səbəb olacaq”. (Səfər iyunun 21-də gerçəkləşəcək).

R. Kobianın sözlərinə görə, “Şahdəniz” konsorsiumu qərar qəbulu prosesindədir və 2019-cu ilin əvvəlinə Avropa ilk qazı alacağına ümid edir: “Avropa Birliyi Cənub qaz dəhlizinə çoxmərhələli layihə kimi baxır. Biz hesab edirik ki, bu boru kəməri Azərbaycandakı digər yataqlardan da qaz alacaq, eləcə də türkmən və İraq qazının cəlb edilməsi perspektivinə də malik olacaq. Bununla əlaqədar biz Transxəzər boru kəmərinin tikintisi üçün Azərbaycan və Türkmənistanla danışıqları davam etdirəcəyik. Ümid edirik ki, bu sahədə razılığa nail olacağıq”.

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]