Türkiyədə 300 saat sonra gələn möcüzə

Türkiyədə güclü zəlzələnin baş verməsindən iki həftə keçsə də, hələ də dağıntılar altında sağ qalan insanlar tapılır.

Bolgexeber.com xəbər verir ki, təbii fəlakətdən 296 saat sonra Antakyada biri uşaq olmaqla 3 nəfər yaşayış binasının dağıntıları altından çıxarılıb.

Bu barədə şənbə günü Anadolu agentliyi məlumat yayıb. “TRT Haber” telekanalı isə dəqiqləşdirib ki, Qırğızıstan xilasedicilərinin də daxil olduğu axtarış-xilasetmə qrupu Türkmənbaşı küçəsindəki evin dağıntıları altından sağ qalanları çıxarıb.

Həmin şəxslər dərhal xəstəxanaya yerləşdirilib.