Türkiyə Ermənistanla sərhədləri açır?
24-01-2024, 11:14
Oxunub: 904
Ankaradan qərar olmadığı üçün Ermənistan-Türkiyə sərhədi hələ də açılmır.
Bolgə.TV xəbər verir ki, bunu Ermənistanın xarici işlər naziri Ararat Mirzoyan 2023-cü ilin yekunlarına dair mətbuat konfransında “Sputnik Ermənistan”ın sualını cavablandırarkən deyib .
Nazir qeyd edib ki, 2023-cü ilin oktyabrında Ermənistan və Türkiyə xarici işlər nazirlərinin görüşündə Marqara keçid məntəqəsinin açılması və sərhəddəki Ani körpüsünün bərpası ilə bağlı razılaşmalar təsdiqlənib.
“Amma gördüyünüz kimi, hələ də bu istiqamətdə ciddi addımlar, yekun nəticə yoxdur. Yəni sərhəd konkret qrup şəxslərə (üçüncü ölkə vətəndaşları və diplomatik pasportlu şəxslər - red.) açıq deyil", - Mirzoyan bildirib.
Onun sözlərinə görə, hər iki tərəf infrastrukturun, yolların, körpünün vəziyyətini öyrənib, amma bundan artıq heç nə baş verməyib.
Mirzoyan vurğulayıb ki, Ermənistan həm siyasi, həm də infrastruktur baxımından sərhədləri açmağa hazırdır.
“Lazım olan yeganə komponent Türkiyə tərəfinin onu açmaq qərarıdır”, - Ermənistan XİN rəhbəri qeyd edib.
Ani körpüsünə gəlincə, nazirin sözlərinə görə, burada müəyyən irəliləyiş var, Türkiyə tərəfi öz konsepsiyasını təqdim edib.
"Biz reaksiya verəcəyik və irəliləməyə davam edəcəyik", - Mirzoyan deyib.
Dekabrın əvvəlində Ermənistan Xarici İşlər Nazirliyi “Sputnik Ermənistan”a bildirib ki, Türkiyə ilə sərhəddə yerləşən Marqara keçid məntəqəsi fəaliyyətə hazırdır. Qeyd olunub ki, Ermənistan tərəfi üçüncü ölkə vətəndaşları, eləcə də diplomatik pasportu olan şəxslər üçün sərhədlərin açılması ilə bağlı Türkiyədən müsbət siqnallar gözləyir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər