BolgeXeber.Com » Dünya » «Uçan boşqab» qəzasının şahidləri: «Yadplanetlilərin qışqırığına yuxudan oyandıq…»

«Uçan boşqab» qəzasının şahidləri: «Yadplanetlilərin qışqırığına yuxudan oyandıq…»

9-07-2011, 15:05
Oxunub: 6 228 1947-ci il iyulun 2-də Amerikanın Nyu-Meksiko ştatının Rozuell şəhərində görünməmiş hadisə baş verdi…

Əksəriyyət əmindir ki, burada «uçan boşqab» qəzaya uğramışdı. O vaxtdan dünya ufoloqları həmin günü Beynəlxalq UNO günü kimi qeyd edir.
Şəhərdə yaşayan fermer Uilyam Breyzel həmin vaxt partlayışı xatırladan qeyri-adi səs eşitdiyini söyləyir. O, hər tərəfə işıq saçıldığını da görüb. Amma nə baş verdiyin anlamayıb. Səhəri gün qoyunları otlağa çıxardarkən gördükləri isə fermeri şoka salıb: ətrafa qeyri-adi və naməlum qırıntılar səpələnmişdi. Uilyamın ağlına gələn ilk versiya burada «uçan boşqab»ın qəzaya uğraması olub.

Hadisənin baş verdiyi ərazidə yaşayan bəzi sakinlər bildirir ki, onlar gecəyarı qeyri-adi səs-küyə yuxudan oyanıblar. Bəziləri bunun yadplanetlilərin qışqırığı olduğu qənaətindədir.

İllər öncə mətbuatın gündəmini zəbt etmiş bu sensasion hadisə ilə bağlı aparılan uzun-uzadı tədqiqatlara baxmayaraq, o, hələ də müəmma olaraq qalır…