Bizimlə əlaqə | Reklam
BolgeXeber.Com » Dünya » Ukrayna müxalifəti Nazirlər Kabinetini mühasirəyə alıb

Ukrayna müxalifəti Nazirlər Kabinetini mühasirəyə alıb

2-12-2013, 11:15
Oxunub: 4 794 Kiyevin Müstəqillik Meydanında gecələyən müxalifət tərəfdarları bu gün səhər Nazirlər Kabinetinin binasına yürüş ediblər

Bolgexeber.com-un “İnterfaks”a istinadən verdiyi məlumata görə, təxminən 5-6 min mitinqçi hökumət binasının qarşısına gələrək “Banda – get!” deyə qışqırmağa başlayıblar. Müxalifət fəalları hökumət binasının bütün girişlərini, eləcə də Milli Bankın binasını nəzarətə götürüblər.

Yürüşün başında gedən sabiq daxili işlər naziri Yuri Lutsenko iştirakçılara aksiyanın dinc xarakterli olduğu barədə xəbərdarlıq edərək təxribatlara uymamağa çağırıb.

Nazirlər Kabinetinin həyətində “Berkut” xüsusi təyinatlı milis dəstəsi əməkdaşlarının olduğu avtobuslar gözləyir. Onlar hələlik aksiyaçılara qarşı hər hansı tədbir görmürlər.

Qeyd edək ki, bazar günü Müstəqillik Meydanında yüz minlərlə insanın iştirakı ilə keçirilən aksiyada Nikolay Azarovun başçılıq etdiyi Nazilər Kabinetinin istefaya getməsi tələb olunub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]