Bizimlə əlaqə | Reklam
BolgeXeber.Com » Dünya » Ərdoğan bu iki ölkəni barışdırdı

Ərdoğan bu iki ölkəni barışdırdı

12-12-2024, 09:13
Oxunub: 1 496 Somali və Efiopiya liderləri aralarındakı münaqişənin həlli üçün razılığa gəliblər.

Bolgə.TV xəbər verir ki, bunu Türkiyə Prezidenti Rəcəb Tayyib Ərdoğan Somali Prezidenti Həsən Şeyx Məhəmməd və Efiopiyanın Baş naziri Abiy Əhmədlə keçirdiyi mətbuat konfransında deyib.
"Somali və Efiopiyanın ölkəmizə olan etimadı sayəsində təxminən səkkiz ay əvvəl başladığımız Ankara prosesində mühüm mərhələyə çatdıq. Beləliklə, iki ölkə arasında sülh və əməkdaşlığa əsaslanan yeni başlanğıca doğru ilk addımı atdıq. Ümid edirəm ki, razılaşdırılmış birgə bəyanat regionda hörmət əsasında əməkdaşlıq, iqtisadi inkişaf və rifahın təməlini qoyacaq”, - Ərdoğan bildirib.
Qeyd edək ki, Somali ilə Efiopiya arasında münasibətlərdə böhran Abiy Əhməd və Somalinin yarım-muxtar bölgəsi Somaliləndin rəhbəri Musa Bihi Abdinin yanvarın 1-də Efiopiyanın dəniz limanlarına çıxışını təmin etmək üçün anlaşma memorandumu imzalamasından sonra yaranıb.

Somalilənd Efiopiyaya suveren dövlət kimi tanınması müqabilində öz ərazisində dəniz bazası yaratmaq imkanı verib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]