BolgeXeber.Com » Gündəm » TSEK-lərdə əlillərə kağız arayış verilməsi sistemi ləğv edilir

TSEK-lərdə əlillərə kağız arayış verilməsi sistemi ləğv edilir

21-04-2014, 09:00

Oxunub: 3 674

Əmək və Əhalinin Sosial Müdafiəsi Nazirliyi tibbi-sosial ekspertiza və əlillərin reabilitasiyası sahəsində yenilik edəcək.

Bu barədə virtualaz.org saytına nazirliyin İctimaiyyətlə əlaqələr şöbəsinin rəhbəri Elman Babayev bildirib.

E.Babayev deyib ki, vətəndaşların əlillik vəziyyətinin müəyyən olunması üçün göndəriş formalarının (88 nömrəli forma) da səhiyyə müəssisələri tərəfindən elektron məlumat mübadiləsi sistemi vasitəsilə TSEK-lərə göndərilməsi ilə bağlı tədbirlər görülür: “Yeni yaradılan informasiya sistemi əlillik təyinatı barədə aidiyyəti dövlət orqanına təqdim olunmaq üçün vətəndaşlara kağız arayışların verilməsi praktikasına da son qoyacaq. Belə ki, əlillik təyin olunması barədə müvafiq məlumatların TSEK-lər tərəfindən aidiyyəti orqanlara elektron yolla və operativ şəkildə göndərilməsi təmin olunacaq”.

Əlilliyin müəyyən olunması sisteminin və əlillik təyinatları ilə bağlı aidiyyəti təşkilatlar arasında məlumat mübadiləsinin tam avtomatlaşdırılması məmur-vətəndaş münasibətlərinin aradan qalxmasına da imkan verəcək.
Bolgexeber.com

Çox Oxunanlar