Bizimlə əlaqə | Reklam
BolgeXeber.Com » Gündəm » Elmar Vəliyev Gəncədə Hadisə üçün pul yığdırıb

Elmar Vəliyev Gəncədə Hadisə üçün pul yığdırıb

14-05-2014, 16:55
Oxunub: 6 710 Hadisə və Mustafa Cecəli adına büdcə təşkilatlarından, sahibkarlardan 400 min manat vəsait yığılıb

Gəncədən musavat.com-a daxil olan məlumata görə, şəhərin icra başçısı Elmar Vəliyevin göstərişi ilə 10 may - Gül bayramı münasibəti ilə şəhərdə keçirilən konsertdə iştirak edən məşhur türk müğənniləri Hadisə və Mustafa Cecəliyə ödənilən 250 min manat qonorar büdcə təşkilatlarından, müəsissələrindən, bələdiyyələrdən, icra nümayndəliklərindən və ticarətlə məşğul olan sahibkarlardan yığılıb.

Bildirilir ki, pultoplama işinə rəhbərliyi Kəpəz rayon icra başçısının müavini, Gəncə şəhər YAP-ın sədri Nafiq Həmzəyev həyata keçirib. Konsert üçün yığılan vəsaitin həcmi 400 min manata yaxın olub.

Qeyd olunur ki, Gəncə şəhər Təhsil İdarəsinin müdiri Zakir Hüseynov 30 min, Gəncə Mədəniyyət və Turizm şöbəsinin müdiri Sənan Hacıyev 30 min, Gəncə Səhiyyə İdarəsinin müdiri Mehman Rzayev 30 min, Gəncə Yaşıllaşdırma Təsərrüfatı İdarəsinin müdiri İxtiyar İsgəndərov 20 min, Gəncə Kommunal İstehsalat Birliyinin sədri Elgün Məmmədov 20 min, Gəncə Telekommunikasiya İdarəsinin rəisi 25 min, Yol İstismar İdarəsi müdiri 25 min, Gəncə Şərab-2 ASC 20 min xərac veriblər. Həmçinin 20-ə yaxın ticarət mərkəzlərinin rəhbərlərinin hər birindən 7 min, Hacıkənd, Cavadxan, Şıxzamanlı, Natavan, Məhsəti, Sadılı qəsəbə nümayəndələrinin hər birindən 5 min manat vəsait alınıb.

Qeyd edək ki, hakimiyyət nümayəndələri Hadisə və Mustafa Cecelinin Gəncədə havayı, təmənnasız konsert verdiklərini bildirmişdilər və bu heç kəsə inandırıcı görünməmişdi.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]