BolgeXeber.Com » Gündəm » 107 min manat pul mənimsəyən vəzifəli şəxslər həbs edilib

107 min manat pul mənimsəyən vəzifəli şəxslər həbs edilib

15-05-2014, 12:10

Oxunub: 4 011

Baş prokurorluğdan Bolgexeber.com-a verilən məlumata görə Baş prokuror yanında Korrupsiyaya qarşı Mübarizə Baş İdarəsində ibtidai istintaqı yekunlaşdırılaraq baxılması üçün məhkəməyə göndərilmiş “Fuad LTD” MMC-nin vəzifəli şəxslərinin dələduzluq yolu ilə külli miqdarda özgə əmlakını ələ keçirmələri və digər qanunsuz hərəkətlərə yol vermələri barədə cinayət işinin materiallarından İmişli rayon sakinləri Səbirulla Əliyev və Siyab Məmmədovun ayrı-ayrı şəxslərə qarşı dələduzluq etmələri faktı üzrə ayrılmış cinayət işi üzrə istintaq tədbirləri davam etdirilir.
Aparılmış istintaqla S.Əliyevin tanışı S.Məmmədovla əlbir olub cinayət əlaqəsinə girərək Bakı şəhər sakininin ona məxsus Mərdəkan qəsəbəsindəki bağ sahəsini digər şəxslərə satmasına razılıq verməsinə nail olmaqla 21 min 600 manat məbləğində pulunu ələ keçirməsində, «Fuad LTD» MMC-nin direktoru Qasım Məmmədovun etibarından sui-istifadə edərək əldə etdikləri 3 ədəd mənzilin guya özlərinə məxsus olması və aldatma yolu ilə digər şəxslərə satıb 86 min manat məbləğində özgənin küllü miqdarda əmlakını ələ keçirməklə təkrarən dələduzluq etmələrində şübhələr üçün əsaslar olduğundan S.Əliyev və S.Məmmədov Cinayət Məcəlləsinin 178.3.2-ci (dələduzluq) maddəsi ilə təqsirləndirilən şəxs qismində cəlb edilməklə barələrində məhkəmənin qərarı ilə həbs qətimkan tədbiri seçilmişdir.
Hazırda iş üzrə istintaq tədbirləri davam etdirilir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]