Bizimlə əlaqə | Reklam
BolgeXeber.Com » Gündəm » Zakir Həsənov ciddi kadr dəyişiklikləri etdi

Zakir Həsənov ciddi kadr dəyişiklikləri etdi

15-05-2014, 12:50
Oxunub: 4 174 Müdafiə Nazirliyində ciddi kadr dəyişikliyi həyata keçirilib.

AzNews.az-a daxil olan məlumata görə, müdafiə naziri Zakir Həsənovun əmri ilə Silahlı Qüvvələrdə bir sıra mühüm postlara yeni təyinatlar həyata keçirilib. Əmrə əsasən, Ali Hərbi Məktəbin rəisi, general-mayor Heydər Piriyev Azərbaycan Silahlı Qüvvələrinin Akademiyasının rəisi vəzifəsinə təyin edilib. Daha bir kadr dəyişikliyi Hərbi Polis İdarəsində baş verib. İdarəsinin rəisi, polkovnik Füzuli Salahov vəzfəsindən azad edilərək C.Naxçıvanski adına Hərbi Liseyinə rəis təyin olunub. Hərbi Polis İdarəsinin rəisi vəzifəsinə isə polkovnik-leytenant Azad Ağayev təyin edilib.

Müdafiə naziri Zakir Həsənovun bu sonuncu təyinatı adıçəkilən qurumda şok effekti yaradıb. Çünki A. Ağayev vaxtilə Bakı şəhər Qarnizonunun Hərbi Polisinin rəisi olub və işdə yol verdiyi çox ciddi nöqsanlara görə, ordu sıralarından uzaqlaşdırılıb. Onu da qeyd edək ki, polkovnik Füzuli Salahov Sərhəd Qoşunlarında hərbi hissə komandiri, daha sonra Daxili Qoşunlarda idarə rəisi vəzifəsində çalışıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]