Bizimlə əlaqə | Reklam
BolgeXeber.Com » Gündəm » Qətl törədilən klinika Cavanşir Paşazadəyə məxsusdur

Qətl törədilən klinika Cavanşir Paşazadəyə məxsusdur

17-05-2014, 09:00
Oxunub: 5 246 Klinikanın yerləşdiyi bina Cavanşir Paşazadənindir.

Həkim məsuliyyətsizliyi və səhlənkarlığı nəticəsində dünyasını dəyişmiş tənqidçi, Bakı Slavyan Universitetinin dekanı Elnarə Tofiqqızının əməliyyat olunduğu “Medi Sina” Tibb Mərkəzi ilə bağlı "Startegiya.az" saytı maraqlı məlumat əldə edib.

Sayta məlumat verən mənbənin sözlərinə görə, “Medi Sina” Tibb Mərkəzi Şeyxülislam Hacı Allahşükür Paşazadənin qardaşı, Milli Məclisin deputatı Cavanşir Paşazadəyə məxsusdur. Məlumatda bildirilir ki, klinika C.Paşazadəyə məxsus binada yerləşir.

Məlumatı dəqiqləşdirmək üçün klinikanın keçmiş baş həkimi Abbas Bağırovla əlaqə saxladıq. Abbas Bağırov bildirdi ki, klinika yox, klinikanın yerləşdiyi bina Cavanşir Paşazadənindir. Klinika isə Müğdət Həşimovundur:

"Bildiyim qədərincə, o yer Cavanşir müəllimindir, Müğdət Həşimov oranı icarəyə götürmüşdü. İşləri alınmadı, mən baş həkimlikdən çıxandan sonra klinikanı bağladılar".

Məsələ ilə bağlı zərərçəkən tərəfin hüquqlarını müdafiə edən hüquqşünas Səməd Vəkilov bildirdi ki, məsələnin bu tərəfi Nəsimi Rayon Prokurorluğu tərəfindən araşdırılmayıb. Hüquqşünas, həmçinin, hazırda cinayət işinin istintaqını aparan Bakı Şəhər Prokurorluğunda bütün təfərrüatın araşdırılacağına ümid etdiyini söyləyib.

Qeyd edək ki, Azərbaycan Respublikası Konstitusiyasının 89.4-cu maddəsinə əsasən, Milli Məclisin deputatı sahibkarlıq fəaliyyəti ilə məşğul olduqda, deputat mandatından məhrum edilir.

Xatırladaq ki, 1977-ci il təvəllüdlü E.Tofiqqızı ötən il sentyabrın 20-də Nəsimi rayonunda yerləşən “Medi Sina” Tibb Mərkəzində süd vəzi kanalının əməliyyatı zamanı vəfat edib. Hadisədən dərhal sonra E.Tofiqqızının meyiti müayinə olunmaq üçün Məhkəmə-Tibbi Ekspertizası və komisyon müayinədən keçirilib. Keçirilən ekspertizanın rəyinə əsasən müəyyən edilib ki, E.Tofiqqızı həkim səhlənkarlığı nəticəsində dünyasını dəyişib.

Hazırda cinayət işinin istintaqı Bakı Şəhər Prokurorluğunda davam etdirilir. Bu cinayətə görə hələlik heç kim məsuliyyətə cəlb edilməyib.



Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]