Bizimlə əlaqə | Reklam
BolgeXeber.Com » Gündəm » Bakıda içməli suya görə etiraz aksiyası

Bakıda içməli suya görə etiraz aksiyası

17-05-2014, 16:55
Oxunub: 4 866 Binəqədi sakinləri: "Dediklərinə əməl etməsələr, daha böyük etiraz aksiyası keçirəcəyik"


Binəqədi rayonunda keçirilən etiraz aksiyasında nümayişçiləri sakitləşdirmək üçün əraziyə aidiyyatı qurumların nümayəndələri gəlib.

Bolgexeber.com anspress-ə istinadən xəbər verir ki, etirazçılarla görüşdə İlqar Süleymanov, Binəqədi rayon su idarəsinin sədri Əhliman Mansurov və “Azərsu” ASC-nin nümayəndəsi Səid Hüseynov iştirak edib. Qurum nümayəndələri sakinlərə bu gündən problemin həll olunacağını deyib. Onların sözlərinə görə, “Döngə 3” küçəsinə səhərə qədər fasiləsiz su veriləcək. Lakin sabahdan sonra su adi qaydada veriləcək. Əgər suyun verilişində yenidən problem yaranarsa, o zaman ərazidəki su nasoslar dəyişdirilərək daha böyükləri quraşdırılacaq.

Sakinlər isə bildiriblər ki, əgər aidiyyatı qurumların nümayəndələri dediklərinə əməl etməsələr, etiraz aksiyalarını davam etdirəcəyik.

Qeyd edək ki, bu gün səhər saatlarında Binəqədi rayonunyn "Döngə 3" küçəsinin sakinləri etiraz aksiyası keçirib. Aksiyaya səbəb sakinlərə içməli suyun verilməməsidir.

"Döngə 3" küçəsinin sakinləri sözlərinə görə, 2 aydan çoxdur ki, içməli su verilmir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]