Bizimlə əlaqə | Reklam
BolgeXeber.Com » Gündəm » Ziya Məmmədovun şirkəti sıradan çıxarılır

Ziya Məmmədovun şirkəti sıradan çıxarılır

18-05-2014, 10:15
Oxunub: 3 980 Artıq bu ehtimallar təsdiqini tapır.

Bakıda 2015-ci ildə keçiriləcək I Avropa Oyunları ilə əlaqədar Fransanın “CNH Industrial” brendi olan “Iveco Bus” şirkəti tərəfindən Bakıya “Crealis” markalı 151 ədəd yeni avtobus gətiriləcək. Bolgexeber.com-un “Iveco bus” şirkətinin rəsmi saytına istinadən verdiyi məlumata görə, bununla bağlı Bakı şəhər Icra Hakimiyyəti ilə “Iveco Frans” şirkəti arasında dəyəri 50 mln. avro təşkil edən müqavilə imzalanıb.

Bütün avtobuslar Fransanın Annone şəhərində “Iveco Bus” fabrikində hazırlanacaq və Burbon-Lansi şəhərində istehsal edilmiş “Iveco Cursor 8 CNG” mühərriki ilə təchiz ediləcək.

Qeyd edək ki, bir müddət əvvəl Nazirlər Kabinetinin qərarı ilə Bakı Şəhər Icra Hakimiyyətinin tabeliyində özünümaliyyələşdirmə prinsipi əsasında fəaliyyət göstərən payları dövlətə məxsus “BakuBus” Məhdud Məsuliyyətli Cəmiyyəti yaradılması qərara alınıb. Bu paytaxtda sərnişindaşıma sahəsinin Nəqliyyat Nazirliyindən alınaraq meriyaya verilməsi və Ziya Məmmədova məxsus “Transqeyt” şirkətinin artıq sıradan çıxarılması kimi qiymətləndirildi. Artıq bu ehtimallar təsdiqini tapır. “Iveco Bus” şirkətilə məhz Bakı Şəhər Icra Hakimiyyəti arasında müqavilə imzalanması artıq “Transqeyt” şirkətinin paytaxtın sərnişindaşıma sahəsində əsas söz sahibi olmadığı və ofsayd vəziyyətə salındığını göstərir.

BOLGEXEBER.COM
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]