Bizimlə əlaqə | Reklam
BolgeXeber.Com » Gündəm » Mayın 18-də 20 avtomobil qəzası qeydə alınıb

Mayın 18-də 20 avtomobil qəzası qeydə alınıb

19-05-2014, 09:35
Oxunub: 5 264 Son sutka ərzində Azərbaycan yollarında baş vermiş avtomobil qəzalarında 8 nəfər həlak olub. Baş Dövlət Yol Polisi İdarəsindən verilən məlumata görə, gün ərzində ümumilikdə 20 yol-nəqliyyat hadisəsi qeydə alınıb. Nəticədə həlak olan 8 nəfərdən başqa 26 nəfər də müxtəlif dərəcəli bədən xəsarətləri alıb.

Ən ağır hadisələr Bakıda qeydə alınıb. Qaradağ rayonu ərazisində, Bakı-Ələt magistralında "Mercedes" markalı minik avtomobili gənc qadını və 8 aylıq körpəsini vurub. Ana və balası hadisə yerindəcə keçinib. Sabunçu rayonunda, Maştağa-Zabrat yolunda iki minik avtomobilinin toqquşması 2 nəfərin ölümünə, daha 4 nəfərin isə ağır yaralanmasına səbəb olub. Bundan başqa Lənkəranda xəstəxanaya tələsən ailənin "UAZ"ı dağdan aşıb. 1 nəfər ölüb, 5 nəfər isə yaralanıb.

Ölümlə nəticələnən digər qəzalar Abşeron, Goranboy və Bakının Xəzər rayonunda qeydə alınıb.

Hər bir hadisə ilə bağlı araşdırmalar aparılır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]