Bizimlə əlaqə | Reklam
BolgeXeber.Com » Gündəm » “Bakcell”də dava: Əməkdaşlar müştərilərin yanında əlbəyaxa oldular

“Bakcell”də dava: Əməkdaşlar müştərilərin yanında əlbəyaxa oldular

25-05-2014, 16:40
Oxunub: 3 671 Dünən “Bakcell”in ofislərindən birində biabırçı hadisə baş verib.

Bolgexeber.com aznews.az-a istinadən xəbər verir ki, şirkətin H.Cavid prospekti pr. 147 ünvanında (Elmlər Akademiyası metro stansiyasının yaxınlığında) yerləşən “Müştəri Xidmətləri”ndə işçilər arasında əlbəyaxa dava baş verib.


Gənc operatorlar müştərilərin gözü önündə bir-birlərinə xəsarətlər yetiriblər və hətta yüksək tonda nalayiq ifadələr işlədiblər. Maraqlısı budur ki, ofisdə bu dalaşanları sakitləşdirə bilən bir səlahiyyətli şəxs tapılmayıb. Sonda müştərilər yaranmış biabırçılığın qarşısını almaq üçün onları ofisin zirzəmisinə salınıblar. Lakin şirkət əməkdaşları zirzəmidə də sakitləşməyiblər. Onların səsləri və bir–birlərini ağır ifadələrlə təhqir etmələri hətta küçədən keçənləri də narahat edib. Bundan əlavə onların bu müharibəsi yaxınlıqda yaşayan sakinlərin ciddi narazılığına səbəb olub və onlar ofisə yaxınlaşaraq iradlarını bildiriblər.

Ən qəribəsi budur ki, nə dava edənlər, nə də həmin ofisdə xidmət göstərən “Baksell”in digər əməkdaşları baş verən hadisə ilə bağlı müştərilərdən, eləcə də irad bildirən qonşulardan üzr istəmək əvəzinə onlara əsəbi münasibət göstəriblər.

Qeyd edək ki, Azərbaycanın ilk mobil operatoru olan “Bakcell”ə bağlı son günlər yalnız mənfi informasiyalar dolaşır. Müştərilərin aldadılması, müxtəlif fırıldaqlıqlarla əlavə qazancların əldə edilməsi, xidmət səviyyəsinin çox aşağı olması şirkət barədə səslənən əsas ittihamlardır.

Əlbəttə bu ittihamlar bəzən digər mobil operatorlar barəsində də səslənir. Amma yəqin, nəinki digər operatorlarda, hətta heç bir xidmət sahələrində dünən “Bakcell”də baş verən belə biabırçılığa rast gəlinməyib.

Yeri gəlmişkən qeyd edək ki, bu “Müştəri Xidmətləri”nin ofisində həm də mobil telefonlar satılır. Yəni bura təkcə “Bakcell” müştəriləri deyil, həm də telefon və ya telefon aksessuarları alanlar da gəlir. Elə buna görə də “Baksell”in “nümunəvi” cavanlarının tamaşasını xeyli adam seyr edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]