Bizimlə əlaqə | Reklam
BolgeXeber.Com » Gündəm » «Azərsığorta»dan inanılmaz fırıldaq

«Azərsığorta»dan inanılmaz fırıldaq

30-05-2014, 11:30
Oxunub: 7 530 Sığorta şirkəti müştərisinə dəymiş zərərə görə, 2000 manat təklif edib, amma adına 5000 manat yazdırır

Azərbaycanda fəaliyyət göstərən sığorta şirkətlərinin əksəriyyəti ya düzgün işləmir, ya da vətəndaşları məmnun etmir. Buna səbəb həmin şirkətlərin daha çox pul qazanmaq həvəsi və müştərilərini şirnikləndirmək yolu ilə aldatmasından ibarətdir.

Hazırda Azərbaycanda 29 sığorta şirkəti fəaliyyət göstərir. Onlardan biri isə «Azərisığorta»dır. Nizamnamə kapitalı 2 milyon manat olan bu şirkət isə ümumilikdə, fırıldaqçılıqda ad çıxarıb. Bunu təbii ki, biz yox, sığorta şirkətinin müştəriləri deyirlər.

Bu yaxınlarda üzləşdiyi problemlə əlaqədar müştərisi olduğu «Azərsığorta» şirkətinə üz tutan vətəndaşlardan biri qəribə təkliflə qarşılaşıb. Adının çəkilməsini istəməyən həmin şəxs bildirib ki, yaşadığı problemlə əlaqədar sığortaladığı əmlakına dəyən zərərə görə haqqını almaq istəyib. Elə şirkət də buna etiraz etməyib. Amma bir şərtlə ki, bəzi sənədlərə qol çəkməliymiş.

Belə ki, üzləşdiyi problemdən dolayı dəyən zərər 2000 manat olsa da, «Azərisığorta» şirkətinin nümayəndəsi rəqəmi şişirdərək, 5000 manata çatdırıb. Elə düşünməyin ki, yazılan məbləğin hamısı vətəndaşa verilib. Əksinə, şirkətin rəsmisi müştəriyə təklif edib ki, ona dəyən 2000 manat qeyri-şərtsiz ödəniləcək. Amma o, sənəddə 5000 manata imza atmalıdır. Və bu da onların «qazancı»dır.

Bundan başqa, «Azərisığorta» şirkətinin və filiallarının başqa maliyyə fırıldaqlarının olduğu da deyilir. Hazırda bizə daxil olan məlumatları araşdırmaqla məşğuluq. Bizi izləyin!
Tia.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]