Bizimlə əlaqə | Reklam
BolgeXeber.Com » Gündəm » Azərbaycanda 3 il işıqpulu və qazpulu bahalaşmayacaq

Azərbaycanda 3 il işıqpulu və qazpulu bahalaşmayacaq

7-06-2014, 09:20
Oxunub: 3 096 2014-2017-ci illərdə Azərbaycanda elektrik enerjisi və qaz tarifləri dəyişməz qalacaq

Bu barədə"Fitch Ratings" reytinq agentliyinin "Azərenerji" ASC-nin reytinq fəaliyyəti ilə bağlı məlumatında deyilir.

Bu proqnozlar enerji operatorunun özünün gözləntilərinə əsaslanır. Bundan başqa, "Fitch" "Azərenerji"nin dövlətlə hüquqi əlaqələrini güclü qiymətləndirir. Belə ki, dövlət şirkətin borcunun böyük hissəsi (2013-cü ilin sonuna toplanmış faizləri nəzərə almamaqla bütün borcun təqribən 89 faizi) üzrə zəmanət verməyə davam edir. "Fitch" hesab edir ki, bu göstərici 2014-2017-ci illərdə sabit qalacaq.

Məlumatda deyilir ki, ölkədə elektrik enerjisi tarifləri tez-tez dəyişmir və sonuncu belə dəyişiklik 2007-ci ildə olub. Yanacaq xərcləri şirkətin əməliyyat xərclərinin təqribən yarısını təşkil edir. 2013-cü ilin dekabrında qazın qiyməti 48 faiz artaraq 1 milyon kubmetrə görə 80 min manata çatıb. Halbuki elektrik enerjisi tarifləri dəyişməz qalıb".

"Fitch" "Azərenerji" üçün təbii qaz tariflərini dövlətin daha bir dəstəyi kimi qiymətləndirir.

Agentliyin analitiklərinin fikrincə, tariflərin "xərclər üstəgəl" prinsipi üzrə müəyyənləşdirilməsi mexanizmi enerji şirkətləri üçün ümumilikdə əlverişlidir, lakin bu modelin Azərbaycanda tətbiqi sosial siyasət düşüncəsi ilə əlaqədar xeyli dərəcədə məhdudlaşıb.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]