BolgeXeber.Com » Gündəm » Ana Vətən Partiyası bələdiyyə seçkilərinə start verdi

Ana Vətən Partiyası bələdiyyə seçkilərinə start verdi

9-06-2014, 14:00
Oxunub: 3 720 Ana Vətən Partiyası Ali Məclisinin yaz sessiyası keçirilmişdir

İclasda təşkilati məsələlərə baxılmış, bəzi Ali Məclis üzvlərinin səlahiyyətlərinə xitam verilmiş, yeni Ali Məclis üzvlərinin səlahiyyətləri təsdiq edilmişdir.
Gündəlikdə duran II məsələ-bələdiyyə seçkilərinə hazırlıqla bağlı geniş müzakirələr aparılmışdır. Çıxışlar zamanı yekdil rəy ifadə olunmuşdur ki, partiya qarşıdan gələn bələdiyyə seçkilərinə ümumən hazırdır.
Ali Məclisin yığıncağında çıxış edən Fəzail Ağamalı partiyanın şəhər və rayon təşkilatlarının sədrlərinə bələdiyyə seçkiləri ilə bağlı müvafiq tövsiyyə və tapşırıqlarını vermişdir. Seçkilərdə namizədlər müəyyən olunarkən qadınlara və gənclərə xüsusi diqqət yetirilməsi Ali Məclis üzvlərinin qarşısında vəzifə kimi qoyulmuşdur.
Ana Vətən Partiyasının seçkilərdə iştirakının zəruriliyi və rayon (şəhər) təşkilatlarının seçkilərdə kütləviliyi və fəallığı təmin etmələrinə dair qərar qəbul edilmişdir.