Bizimlə əlaqə | Reklam
BolgeXeber.Com » Gündəm » Dövlət Fitosanitar Xidmətinin rəis müavini ölkədən qaçdı

Dövlət Fitosanitar Xidmətinin rəis müavini ölkədən qaçdı

9-06-2014, 16:25
Oxunub: 4 378 Nazim Quliyevə qarşı cinayət işi açılıb

Kənd Təsərrüfatı Nazirliyi yanında Dövlət Fitosanitar Nəzarəti Xidmətinin ( DFNX) rəis müavini Nazim Quliyevin ölkədən qaçması ilə bağlı məlumat daxil olub.
Məlumat üçün bildirək ki, İsmət Abasov kənd təsərrüfatı naziri vəzifəsindən azad olunandan sonra qurumda ciddi kadr dəyişikliyi baş verib. Belə ki, yeni nazir Heydər Əsədov nazirliyin tabeçiliyində olan Dövlət Baytarlıq Xidmətinin rəis müavini Cavid Hadıyevi ( İsmət Abasovun baldızı oğlu) və Bakı Şəhər Baytarlıq İdarəsinin rəisi Şahmar Abdullayevi vəzifəsindən azad elədi. Sonra növbə DFNX-nə çatdı. Nazir DFNX-də olarkən qurumun fəaliyyətindən ciddi narazılığını bildirib. Və DFNX-nin rəis müavini, adı mətbuatda daha çox korrupsiya ilə bağlı hallanan Nazim Quliyev vəzifəsindən azad olundu.
Redaksiyamıza daxil olan məlumata görə, vəzifəsindən azad olunan Nazim Quliyevə qarşı Baş prokurorluqda cinayət işi açılıb. Bundan xəbər tutan Nazim Quliyev tələsik ölkəni tərk edib.
Daxil olan məlumatı dəqiqləşdirmək üçün DFNX-nin rəis müavini Ələddin Eyvazovla telefon əlaqəsi saxladıq. Ələddin müəllim Nazim Quliyevin vəzifəsindən azad olunduğunu təsdiq eləsə də Türkiyədə tədbirdə olduğunu səbəb gərirərək bizimlə sonra əlaqə saxlayacağını bildirdi.
Qarşı tərəfin mövqeyini işıqlandırmağa hazırıq.
Qafqaz Xəbər Agentliyi (qafqaznews.az )
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]