Bizimlə əlaqə | Reklam
BolgeXeber.Com » Gündəm » 55 yaşlı qadın küçədə can verdi, qohumları həkimlərə hücum etdi (VİDEO)

55 yaşlı qadın küçədə can verdi, qohumları həkimlərə hücum etdi (VİDEO)

19-06-2014, 07:50
Oxunub: 3 708 Bakının Nizami rayonunda 55 yaşlı qadın edə küçədəcə qəfildən dünyasını dəyişib

Bolgexeber.com bildirir ki, APA TV-nin məlumatına görə, hadisə Qara Qarayev prospekti 96 ünvanında metronun "Neftçilər" stansiyasının yaxınlığında başverib. Şəki şəhər sakini Əbdürrəhimova Nərgiz Həbullah qızı kirayədə yaşadığı mənzilə gedən zaman halı pisləşib. Qadın yaşadığı binanın qarşısında yerə yıxılıb. Bina sakinləri 55 yaşlı qadına ilkin yardım göstərsələr də, Nərgiz Əbdürrəhimovanın vəziyyəti get-gedə pisləşdiyindən, təcili tibbi yardıma məlumat verilib. Lakin həkim briqadası gələnə qədər qadın dünyasını dəyişib. Hadisə yerində təcili tibb yardım stansiyasının həkimləri ilə mərhumun qohumları arasında qarşıdurma yaranıb.

Nizami Rayon Polis İdarəsi və rayon prokurorluğunun əməkdaşları da hadisə yerində araşdırma aparıblar. Şahidlərin və dünyasını dəyişən qadının yaxınlarının ifadələri alınıb. İlkin araşdırma nəticəsində məlum olub ki, Nərgiz Əbdürrəhimova bir müddətdir "8-ci kilometr bazarı"nda ticarətlə məşğul olurmuş. Hadisədən bir neçə gün əvvəl isə, o, ürək ağrılarından şikayət ediyinə görə həkimə müraciət edib. Qadının məhz ürəyindəki problemlər üzündən dünyasını dəyişdiyi ehtimal olunur.

Hadisə yerində aparılan araşdırmadan sonra isə meyit daxili müayinə üçün ekspertizaya aparılıb. Ölümün dəqiq səbəbi Nizami rayon Prokurorluğundakı araşdırmalardan sonra məlum olacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]