Bakıda saxta nömrə aşkarlandı – VİDEO
27-06-2014, 18:25
Oxunub: 4 070
Xanım sürücü polisə tabesizlik göstərsə də, maşın cərimə meydançasına aparılıbİyunun 23-dən 24-nə keçən gecə Bakı şəhər Dövlət Yol Polisi İdarəsinin əməkdaşları tərəfindən paytaxt ərazisində keçirilən reyd zamanı maraqlı olay baş verib.
Video və fotoda gördüyünüz «Hundai» markalı avtomobil Dövlət Statistika Komitəsinin qarşısında DYP əməkdaşları tərəfindən saxlanılıb. Xanım sürücü tərəfindən idarə olunan bu avtomobilin saxlanılmasının səbəbi səsboğucu qurğuya edilən müdaxilə nəticəsində avtomobilin yüksək səs çıxarması olub. Yəni, xorultulu səs çıxaran avtomobil məhz buna görə saxlanılıb. DYP əməkdaşları Avtosfer.az-ın reyddə iştirak edən əməkdaşına bildiriblər ki, xanım sürücü saxlanılarkən heç bir sənəd təqdim etməyərək harasa zəng etməyə başlayıb. Texniki vasitələrlə aparılan araşdırmalar nəticəsində müəyyən edilib ki, bu avtomobilin üzərindəki nömrə saxtadır. Yəni, KQY-110 nömrənsi bu avtomobilə aidiyyatı yoxdur.
Qeyd edək ki, bu nömrə Avropa Birliyi ölkələrinə məxsusdur. Avtomobili idarə edən xanım isə azərbaycanlıdır. O, yol polisi ilə kobud danışmaqla yanaşı, hədə-qorxu da gəlib. Sonra isə maşından düşərək uzaqlaşıb. Telefonla harasa zəng edərək avtomobilin sahibinin gələcəyini və və sənədləri də gətirəcəyini bildirib. Lakin həm sürücünün heç bir sənəd təqdim etməməsi, həm də avtomobilin nömrəsinin saxta çıxması səbəbindən yol polisi əməkdaşları həmin nəqliyyat vasitəsinə cərimə meydançasına aparıblar.
Maraqlıdır, nömrə bu avtomobilə məxsus deyilsə, nömrə mülki şəxsin əlinə necə keçib? Avropa Birliyi ölkələrindən Bakıya gətirilən bu avtomobilin nömrəsi təhvil verilməli olduğu halda, saxta yolla başqa avtomobilə necə vurulub? Hər halda, hazırda məsələ DYP tərəfindən araşdırılır. Nəticəsi maraqlı olacaq.
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
